martes, febrero 13, 2007

CC.OO. denuncia o incumprimento do convenio colectivo do PDI-L

CCOO DENUNCIA INCUMPRIMENTO DO ADICIONAL 2ª DO CONVENIO COLECTIVO DO PDI LABORAL DO SISTEMA UNIVERSITARIO GALEGO


O día 8 de febreiro a Secretaria Xeral da F.E. de CC.OO. Rosario Alonso Fernández presentou un escrito de denuncia de incumprimento do Convenio Colectivo do PDI laboral do Sistema Universitario Galego, formulando reclamación previa polo concepto da acción declarativa de conflito colectivo contra a Conselleria de Educación e as 3 Universidades Galegas.

Desde CCOO entendemos que a Disposición Adicional Segunda supón un claro caso de adhesión por parte do persoal investigador no Convenio Colectivo para o persoal docente e investigador laboral das Universidades de A Coruña, Santiago de Compostela e Vigo. Adhesión que deberia estar cumprida con data 31 de decembro do 2006.

Polo tanto, dado que se cumpriron todos os trámites legais e formais e que se está a incumplir a devandita Disposición Adicional Segunda solícitase a aplicación do Convenio ó persoal investigador con efectos do 31 de decembro de 2006.

Esta demanda foi presentada debido a falta de unidade sindical á hora de esixir o cumprimento da Adicional Segunda por parte das Universidades que cunha clara actitude obstrucionista queren adiar a regulación dos dereitos destes traballadores ou trasladar a sua negociación a marcos que estén fora do propio Convenio Colectivo.

CC.OO. mantén en razón da sua coherencia a defensa da incorporación do persoal investigador no convenio tal como foi manifestada desde a primeira reunión do Convenio Colectivo, do mesmo modo que sempre consideramos que este Convenio supuña un gran avance para os colectivos que viñan acollidos dentro do seu ámbito non podemos permitir que haxa colectivos que queden laboralmente desregularizados.

Por outra banda, desde CCOO manifestamos que non estamos dispostos a que colectivos de traballadores se queden fora dos censos eleitorais e vearemos porque os dereitos inalienables de todos os traballadores/as a estar representados nos órganos de representación sindical non sexan cercenados.

Etiquetas:


Comments:
Saludos a los compañeros/as blogeros de CC.OO. de UDC desde la Diputación de Huelva este es nuestro blog:
http://ccoodiphuelva.blogspot.com
 
CCOO se podía ocupar de defender a sus trabajadores, al menos en Castilla y León
 
Publicar un comentario

Links to this post:

Crear un enlace



<< Home

This page is powered by Blogger. Isn't yours?